அகம் பாப்கார்ன் – ஹே ராம்-3

340
Hey-Ram-Movie-Review

ற்றாமையின் உச்சத்தில் வெறிகொண்டவனாக தீப்பிழம்புகளுக்கு இடையில் ராம் தன் கைத்துப்பாக்கியோடு கல்கத்தா வீதிகளில் இறங்குகிறான்.  இந்த காட்சியின் தொடக்கத்தில் ஒரு மசூதி எரிவது காட்டப்படுகிறது. முஸ்லிம்கள் வாழும் பகுதிகள் பற்றி எரிகிறது. இந்துக்கள் தம் கண்ணில் படும் முஸ்லிம்களை எல்லாம் வெட்டி வீழ்த்துகின்றனர். முதியவர்கள் கொல்லப்படுகின்றனர்.  ராம் அல்டாஃப் டெய்லர் கடையின் பலகையை நோக்கி துப்பாக்கியை நீட்டுகிறான்.

boy thrown into fire

மீண்டும் வெறி கொண்டு அங்கிருந்து நகரும் போது அவன் காணும் காட்சி ராமை மட்டுமல்லாது நம்மையும் பாதிக்கிறது. ஒரு பெரிய கூட்டத்தில் இந்துக்களும் சீக்கியர்களும் கையில் கோடாரி மற்றும் வாளுடன் நின்று கொண்டிருக்க ஒரு வயதான முஸ்லிம் பெரியவர் தங்களை விட்டு விடுமாறு காலில் விழ ஒரு இந்து தன் கோடாரியால் அவரை தாக்குகிறான். அதைப் பார்த்த ஒரு சிறுவன் ஓடி வர அவனை மூன்று பேர் சேர்ந்து தூக்கிக் கொண்டு போய் தீயில் வீசுகின்றனர். ராம் அந்த காட்சியை காண முடியாமல் முகத்தைத் திருப்பியவாறு நடக்கிறான்.

ram altaf encounter

அப்போது ஒரு சிறிய சந்தில் சில முஸ்லிம்கள் ஒரு கட்டிட்த்தில் இருந்து இறங்கி வருவதை ராம் பார்க்கிறான். அதில் ஒருவன் மேல் நோக்கி பார்த்தவாறு “ அல்டாஃப் சீக்கிரம் வா… நாங்க முன்னால போறோம்” என்றவாறு ஓடுகிறான். ராம் மெல்ல அந்த இடத்தை நெருங்க அல்டாஃப் ஓடியவர்களை நோக்கி “ டேய்! கொஞ்சம் நில்லுங்க… எல்லாரும் சேர்ந்தே போகலாம்” என்றவாறு கீழே குதித்தவுடன் ராம் நிற்பதை பார்க்கிறான். ராம் தன் கையில் உள்ள துப்பாக்கியை உயர்த்த அல்டாஃப் மன்னிப்பு கேட்கிறான். ஒரு வேகத்தில் அப்படி செய்து விட்டதாகச் சொல்ல ராம் அவனை துப்பாக்கியால் சுடுகிறான். அப்போது ராமை தடுக்க ஒரு முஸ்லிம் பெரியவர் முயல அவரையும் சுட்டு விடுகிறான். ராமிற்குள் ரத்த வெறி படரத் தொடங்குகிறது.

blind girl

அங்கிருந்து வருகையில் ஒரு வீட்டின் வாசலின் ஒரு முஸ்லிம் பெரியவரை ஒருவன் பின்னாலிருந்து பிடித்திருக்க ஒரு சிறுவன் கத்தியால் சரமாரியாக வயிற்றில் குத்திக் கொண்டிருக்கிறான். ராம் வருவதை கண்டவுடன் பிடித்துக் கொண்டிருப்பவன் ஓடிவிட அந்த சிறுவன் கத்தியை கீழே போட்டு விட்டு மண்டியிட்டு “அல்லாஹூ அக்பர்” என்கிறான். ராம் வான் நோக்கி சுட்டதும் அந்த சிறுவன் ஓடி விடுகிறான். ராம் அந்த கத்திக்குத்துப்பட்ட கிழவனை நோக்கி சுடுவதற்கு துப்பாக்கியை நீட்ட தோட்டா தீர்ந்து விட்டிருக்கிறது. ராம் தன் சட்டைப் பையில் இருந்து தோட்டாவை நிரப்பும் தருணத்தில் அந்த பெரியவர் “ மிக்க நன்றி அல்லா தான் எங்களை காப்பாற்ற உன்னை அனுப்பியிருக்கிறார்” என்று கூறிவிட்டு தன் குடிசையை நோக்கி “நூர்.. இங்கே வா” என்று கூறியவாறே உயிரை விடுகிறார். அந்த குடிசைக்குள் நிழலாடுவது தெரிந்ததும், ராம் துப்பாக்கியுடன் அந்த குடிசைக்குள் ஒரு இளைஞனை எதிர்பார்த்து நுழைய அங்கு ஒரு பார்வையற்ற சிறுமி கையில் பொம்மையுடன் நிற்கிறாள். அவள் கைகளை நீட்டியவாறு “தாத்தா எனக்கு ரொம்ப பயமாயிருக்கிறது” என்று சொல்வதை பார்த்த்தும் ராம் செய்வதறியாது நிற்கிறான். அந்த குழந்தை அருகே வரவர ராம் அதை தவிர்த்து வெளியேறுகிறான். ராமை தொடர்ந்து வெளியே வரும் குழந்தை இறந்து கிடக்கும் தன் தாத்தாவை தொட அதன் கையில் ரத்த பிசுபிசுப்பு ஒட்டிக் கொள்கிறது. கண் பார்வையற்ற அந்த குழந்தைக்கு கூட கலவரத்தின் சுவடு தெரிகிறது.

ram abhayankar meetஅங்கிருந்து ஓடி வந்த ராம் ஒரு திருப்பத்தில் ஒரு இந்து கலவர கும்பலிடம் சிக்கிக் கொள்கிறான். அந்த கூட்டத்தின் தலைவன் போல் இருப்பன் ராமை நோக்கி துப்பாக்கியை நீட்ட ராமும் அவன் நெற்றியில் துப்பாக்கியை வைத்து “யார் நீ?” என்று கேட்க அவன் “ராம்” என்று பதில் சொல்ல “உன் பெயர் என்ன?” என்று கேட்க “ஸ்ரீராம் அபயங்கர்” என்று கூறும்போது ராமின் பூணூலை பார்த்துவிடுகிறான். மெல்ல புன்னகைத்து விட்டு “ அபிவாதயே விஷ்வாமித்ர ஆகமர்ஷன கெளசிக, த்ரையாஸ்ரேய ப்ரவரான்வித கெளசிக கோத்ர, ஆபஸ்தம்ப சூத்ர, யஜுஸ்ஸாஹ அத்யாயே, ஸ்ரீராம் அபயங்கர சர்மா நாம அஹம் அஸ்மிபு” என்று பிராமணர்கள் ஒருவரையொருவர் சந்திக்கும் போது கூறும் அபிவாதயே மந்திரத்தை கூற ராம் அவன் நெற்றியில் இருந்து துப்பாக்கியை எடுத்தவுடன் அபயங்கர் தன் பூணூலை காட்டி “வந்தே மாதரம் பந்தூ… எங்களுடன் வேட்டைக்கு வருகிறாயா?” என்று கேட்டவுடன் ராம் மெல்ல பின் நகர “Alright… I edit this paper.. This has my address on it..  come and meet me … we’ve a lot to do” என்கிறான். இந்த இட்த்தில் “Lot to do” என்பது மறைபொருள். அந்த வசனம் அதன் பிறகு நடக்கவிருக்கும் நிகழ்வுகளுக்கான hook. ராம் அந்த செய்தித்தாளை வாங்கியவாறு அங்கிருந்து நகர முயல அபயங்கர் அவனை தடுத்து இப்படியே போனால், உன்னை யாரென்றே தெரியாது என்று சொல்லி அவன் நெற்றியில் திலகம் இட்டு “Happy Hunting” என்று கூற அவனுடன் வந்தவர்கள் இருபுறமும் ஒதுங்கி வழிவிட்டு ராமை வேட்டைக்கு வழியனுப்புகிறான்.

ராம் அங்கிருந்து தன் நிலையை நொந்தவாறு ஓடிவர வழியில் ஒரு சீக்கிய கும்பல் ஒரு முஸ்லிம் சிறுவனை வெட்டுவதை காண்கிறான்.

ram elephantமறுநாள்.. பொழுது விடியும் போது மரத்தில் தொங்கியவாறு, சாலையில் என்று வழியெங்கும் பலவித கோணங்களில் சடலங்கள்.  இறந்தவர்களின் உறவினர்கள் பிணத்தை அடையாளங்கண்டு கதறி அழுதுக் கொண்டிருப்பார்கள். ராம் அதை பார்த்துக் கொண்டிருக்கும் போது போலீஸ் வாகனம் ஒலியெழுப்ப ராம் அவர்களை தவிர்க்க  பக்கத்தில் ஒரு தூணில் தன்னை மறைத்துக் கொள்ள முயலும் போது அங்கு காணும் காட்சி.. ஒரு யானை நின்று கொண்டிருக்க அதன் காலடியில் அதன் பாகன் கையில் அங்குசத்துடன் இறந்து கிடக்கிறார். அந்த யானை தன்னை வழிநடத்திய பாகன் இறந்த பின் செய்வதறியாது நிற்பதைப் போல இது வரை தன்னை வழிநடத்திய அபர்ணா இறந்தவுடன் தானும் அந்த யானை போல தனித்துவிடப்பட்டு செய்வதறியாது சுற்றி திரிவதை எண்ணி குமுறி அழுகிறார். அங்கிருந்து அபயங்கரின் அலுவலகத்தை தேடி அடைந்த சமயம் ஒரு போலீஸ் வேன் அங்கு வந்து நிற்க ராம் அவர்களிடம் இருந்து மறுபடியும் தன்னை மறைக்க அங்கே அபயங்கர் சட்டென ஒரு மறைவிலிருந்து தோன்றி “Are you looking for me? … So they are…” என்று கூறியவாறு ராமை அழைத்துக் கொண்டு நடக்கிறார். மேலே அபயங்கர் குறித்து போலீசார் விசாரித்துக் கொண்டிருக்க அபயங்கர் ராமை கேடயமாக பயன்படுத்தி அவன் பின்னே மறைந்தவாறு அங்கிருந்து இருவரும் நகர்கிறார்கள்.  பேசிக் கொண்டே வரும்போது ராம் பெங்காலி இல்லை என்பதை அறியும் அபயங்கர் உன் தாய்மொழி என்ன என கேட்க ராம் தமிழ் என்று சொன்னதும் அட எந்த ஊர் என்று கேட்க ராம் தஞ்சாவூர் என்று சொன்னதும் அபயங்கர் “I don’t believe this.. நான் தஞ்சாவூர் மராத்தியன் என்று சொல்கிறான்.

இந்த காட்சியில் ராமிற்கும் அபயங்கருக்கும் இடையில் நடக்கும் உரையாடல் மிக முக்கியமானது. ராம் மனதில் மகாத்மா மீதான வெறுப்பின் தொடக்கப் புள்ளி இது தான். இந்த காட்சியின் வசனங்களை கவனித்தால் அது புரியும்.

அபயங்கர் : So நேத்து நல்ல வேட்டையா?

ராம்       : No.. I’m not… I’m a murderer… கோபத்துல கொலை செய்யும்போது வர தைரியம் தற்கொலைக்கு வர மாட்டேங்கறது சார்..

கோபத்துல கொலை செய்யும்போது வர தைரியம் தற்கொலைக்கு வர மாட்டேங்கறது சார்

நீங்கள்லாம் ஏதாவது காரணம் சொல்லிக்கறேள் கடவுள் கொள்கைன்னு… நான் என்ன சாக்கு சொல்ல முடியும்… என் உயிர்ல பாதி ஆத்மால பாதி கரைஞ்சு போயிட்ட மாதிரி இருக்கு… I’m not a man like this sir… அவா தான் என் அபர்ணாவ என் கண் முன்னாடி…

என்று சொல்லிக்கொண்டிருக்கும் போதே அபயங்கர் இடைமறித்து

அபயங்கர்  : என் அக்காவ 20 பேரு அனுபவிச்சிட்டு அப்புறம் கொன்னாங்க.. என்ன மாதிரி நிறைய பேரு, நிறைய அக்காமார்கள், தாய்மார்கள்…

என்று நிறுத்திவிட்டு மீண்டும் தொடர்கிறான்…

அபயங்கர்  : இதுக்கெல்லாம் யார் காரணம் சொல்லு? பெங்கால் பிரீமியர் சுஹ்ராவார்தியா?

அதற்கு ராம் ஆம் என்பது போல் லேசாக தலையசைக்க

அபயங்கர்  : இல்ல.. (சிரித்துக் கொண்டே) பாரிஸ்டர் மொஹமத் அலி ஜின்னாவா?

ராம் இருக்கலாம் என்பது போல் பார்க்க

அபயங்கர்  : No.. There is only one man my friend… Barrister Mohandas Karamchand Gandhi… ஆரம்பத்துல இருந்து Khilafat Movement அது இதுன்னு அந்த பச்ச செடிக்கு தண்ணி ஊத்தி தண்ணி ஊத்தி மரமா ஆக்கிட்டாரு.

ராம் அங்கிருந்து நகர முயல அபயங்கர் அவனை தடுத்து “எங்க போறே” என கேட்க ராம் தான் செய்த கொலைக்கு போலிசிடம் சரணடையப் போவதாகவும் அபயங்கரை காட்டிக் கொடுக்க மாட்டேன் என்று கூற அதற்கு

அபயங்கர்  : தண்டனை யாரு யாருக்கு குடுக்கறது? சட்டம் லீவுல போயிருக்கு… நாம தான் இருக்கோம்… Come I’ll explain

என்றவாறு ராமை அங்கிருந்து கூட்டிக் கொண்டு நடக்கிறான்.

அபயங்கர்  : Listen… குத்தம் செஞ்சா தான் தண்டனை.. கடமைய செஞ்சா தண்டனை கிடையாது… கொலை குத்தம்னா யுத்தமும் குத்தம் isn’t it?

அப்போது எதிரில் காரில் போலிஸ் வர அபயங்கர் அவர்களை தவிர்க்க அருகே நிற்கும் டிராமில் ராமையும் ஏற்றி தானும் ஏறிக் கொள்கிறான்.

dog inside cowடிராம் நகரத் தொடங்குகிறது. அப்போது out of focusல் ஒரு நாய் பசுவின் வயிற்றில் இருப்பது போன்ற காட்சி தெரிகிறது. இது போன்ற ஒரு காட்சி குரோசோவாவின் யோஜின்போவில் நாய் ஒரு துண்டிக்கப்பட்ட கையுடன் வரும். இந்த காட்சி அதன் தாக்கமாக இருக்கலாம்.

அபயங்கர் : பட்டாளத்துல சேர்ந்து சண்டை போடும்போது கொலை எப்படி குத்தமாகும்?”

ராம்      : நான் பட்டாளத்துக்காரன் இல்லியே நான் வெறும் சிவிலியன்

அபயங்கர் : இது civil war brother… நாடு இருக்குற நிலைமையில நாம எல்லாமே soldiers தான்.

என்று சொல்லிக்கொண்டே தன் பையினுள் இருந்து ஒரு புத்தகத்தை எடுத்து ராமிடம் தந்து

அபயங்கர் : இது தடை செய்யப்பட்ட புஸ்தகம்… அட்டைய பிரிக்காம படி.. இது வீரசவ…. (வீரசவர்க்கார் எழுதிய Indian war of Independence அப்போது ஆங்கிலேயரால் தடை செய்யப்பட்டிருந்த்து) என்று சொல்லிக்கொண்டிருக்கும் போதே போலிஸ் அவர்கள் டிராமை மறிக்க

அபயங்கர் : பொழச்சிருந்தா மறுபடியும் சந்திப்போம்… வந்தே மாதரம்

என்று கத்தியவாறு டிராமிலிருந்து குதித்து ஓட போலிசார் அவனை நோக்கி சுட அபயங்கர் கங்கையில் குதிக்கிறான்.

ராம் அவன் ஓடிய பாதையை டிராமிலிருந்து தொங்கியவாறு பார்த்துக் கொண்டிருக்கிறான்.

-பாலாஜி பாலசுப்பிரமணியன்

இந்த அத்தியாயம் மொத்தமும் ராம் அந்த உடைந்த கண்ணாடியுடனே இருப்பார்… அது என்ன குறியீடு? தெரிந்தவர்கள் பின்னூட்டம் இடுங்கள்.